ឯកឧត្តម ប៉ា សុជាតិវង្ស អញ្ជើញជាអធិបតីក្នុងពិធីបើកការដ្ឋានស្ថាបនាស្ពានថ្មី
04-December-2015 | ដោយ មួយឡា
ភ្នំពេញ៖ នៅព្រឹកថ្ងៃទី០៤ ខែធ្នូ ឆ្នាំ២០១៥ ឯកឧត្តម ប៉ា សុជាតិវង្ស អភិបាល នៃគណៈអភិបាលរាជធានីភ្នំពេញ បានអញ្ជើញជាអធិបតីក្នុងពិធីបើកការដ្ឋានស្ថាបនាស្ពានចំនួន ០២ខ្សែ ស្ថិតក្នុងភូមិសាស្ត្រខណ្ឌដង្កោ និងខណ្ឌមានជ័យ គឺស្ពានឆ្លងកាត់ប្រឡាយហា និងស្ពានបឹងតាម៉ាត ដើម្បីសម្រួលចរាចរណ៍ និងបញ្ជៀសការកកស្ទះលើផ្លូវ២១៧ និងផ្លូវ៣៧១។
ស្ពានចាស់ធ្វើអំពីដែកចំនួនពីរដែលមានសភាពទ្រុឌទ្រោម ត្រូវបានបើកការដ្ឋានសាងសង់ថ្មីអំពីបេតុងនេះ ដើម្បីផ្ដល់ភាពងាយស្រួលជូនប្រជាពលរដ្ឋក្នុងការធ្វើដំណើរឆ្លងកាត់ទៅមក និងជួយកាត់បន្ថយការគ្រោះថ្នាក់ចរាចរណ៍ស្របទៅតាមកំណើនប្រជាពលរដ្ឋ និងកំណើនយានយន្ដនាពេលបច្ចុប្បន្ននេះ ។
ស្ពានបេតុងដែលបើកការដ្ឋានសាងសង់ចំនួនពីរនាពេលនេះ ទី១ ស្ពានបឹងតាម៉ាត ឆ្លងកាត់ប្រឡាយភូមិមលមានប្រវែង ២៤ ម៉ែត្រ និងទទឹង ១៣,៥ ម៉ែត្រ និងទី២ ស្ពានឆ្លងកាត់ប្រឡាយហា ប្រវែង ១៥ម៉ែត្រ ទទឹង ១៣,៥ម៉ែត្រ ស្ថិតក្នុងខណ្ឌមានជ័យ និងខណ្ឌដង្កោ រាជធានីភ្នំពេញ ជាគម្រោងរបស់សាលារាជធានីភ្នំពេញ និងគ្រោងការស្ថាបនារយៈពេល ១០ខែ៕
ចំនួនអ្នកទស្សនា
- ថ្ងៃនេះ12391
- ម្សិលមិញ12561
- សប្តាហ៍នេះ40341
- ខែនេះ62221
- ឆ្នាំនេះ62221
- សរុប20504677